港聞

港聞二

【Emily】湯家驊YouTube開台 花7位數 首集嘉賓田少 講「真正中間派」

【明報專訊】政治人物近年紛紛轉戰網絡,民主思路召集人、行政會議成員湯家驊(Ronny)開設YouTube Channel「竹石台」,網台今日登場,頭炮嘉賓請來自由黨榮譽主席田北俊同Ronny對談,講吓咩人先係真正嘅中間派。立法會選舉近了,呢個時候開網台係咪要推高選情?Ronny就話唔關事,自己無打算參選,仲話做行會成員比立法會議員更能影響政府施政。

成員踴躍想為政府出力

Ronny:太過信人 好多慘痛回憶

咁民主思路成員有冇打算參選?Ronny就話近排做過內部調查,問成員有冇興趣為政府出力,反應非常踴躍。不過,Ronny爆料自己有好多「慘痛回憶」,話可能係佢太過信任人,「好多人喺我面前好啱我心水,但一行開就變咗第二個人」,所以着重成員質素,唔想有人打住民主思路名義進入政府,點知引起好多討論。

講番新網台,Ronny話「竹石台」喺2019年反修例運動期間萌生意念,透露開台耗資接近7位數,目前網台有四大節目,包括嘉賓訪談、Ronny主持嘅時事點評、讀專欄文章,以及一個全英文嘅節目。至於「竹石台」嘅名,則源於清代詩人鄭板橋的作品《竹石》,「咬定青山不放鬆,立根原在破巖中」。

上 / 下一篇新聞