港聞

港聞二

【Emily】財赤料千萬 民主黨賣獎券盼籌400萬

【明報專訊】民主黨今日起至6月1日發售「2021籌款獎券」,目標籌款額為400萬元。民主黨籌款委員會主席袁海文透露,由於需要支援多名黨友合共幾百萬嘅訟費,以及黨內收入減少,民主黨正經歷十幾年以來最嚴重嘅財赤,預料今年財赤達1000萬元。加上疫情關係,佢預計今年黨慶晚宴無法舉行,所以獎券係目前最重要嘅籌款途徑。

民主黨會喺全港設置近300個街站,並開設網上捐款系統。該黨資訊科技小組主席冼卓嵐就話,透過網上捐款嘅人只需要提供電郵同名字,資料將儲存喺PayPal同PayMe支付系統,民主黨只能透過呢兩個系統聯絡捐款人領取獎券,確保資料保密。

主要黨員會被分配獎券「包銷額」,其中黨主席羅健熙承擔超過10萬元籌款額,黨中委則要負責「5位數」。袁海文透露,林卓廷、尹兆堅等被還押黨友亦主動承擔金額,但會由其他黨員幫忙賣獎券。被問擔唔擔心籌款會被指控「洗黑錢」,袁海文強調已經獲民政事務總署批出籌款牌,而且賣獎券會跟足程序核數,過程公開、透明。

上 / 下一篇新聞