【明報專訊】前幾年美國扮恐怖小丑嚇人成風，引起治安問題，近日喺香港街頭都出現「小丑」專嚇單獨夜歸女子！油尖旺大南區區議員李國權喺facebook話，上周五（2日）凌晨零時至1時左右，有女居民向佢求助，話有人喺大南街、楓樹街一帶扮小丑嚇落單女性，更有人從旁拍下被嚇者反應。阿權上載咗「小丑」出沒片段，其中一個「小丑」手持棒狀物體。陸續有人留言，話4月1日已經見到兩個小丑衝出嚟，有人擔心有市民會被嚇到走出馬路或心臟病發。阿權話有至少4名受害人，佢已要求警方協助。 相關字詞﹕小丑 油尖旺區議員 大南區 李國權
