港聞

港聞二

【Emily】湯家驊點名民主黨有機會「跑出」

【明報專訊】人大修改香港選舉制度,外界關注日後民主派仲可唔可以「入閘」參選。行政會議成員、資深大律師湯家驊噚日喺《文匯報》嘅訪問,話香港要有忠誠民主派,點名民主黨「有機會為香港爭取民主發展而走上成功道路」,雖然湯家驊話佢讚民主黨可能係「害咗」民主黨,但認為只係實話實說。

湯家驊認為,如果有人話「完善」選舉制度係「收窄民主派參政空間」,係對民主派唔公平。佢又引述民主黨主席羅健熙話,民主黨唔抗拒同中央溝通,只係暫時「唔係時候」。湯家驊就認為,民主黨有比較堅實嘅政治理念,願意喺「一國兩制」下同國家溝通,透露最近同民主黨元老傾偈時,對方都話民主黨嘅黨綱冇變,都係喺「一國兩制」下爭取民主發展。湯家驊話喺本港民主派中,民主黨有機會「跑出」。

相關字詞﹕民主黨 選舉制度 湯家驊

上 / 下一篇新聞