港聞

港聞二

【Emily】還押中教英文 毛孟靜:一切安好

【明報專訊】47名民主派人物因去年組織、參加立法會初選而被控串謀顛覆國家政權罪,當中36人仍在還押,立法會前議員毛孟靜(Ms Mo)保釋覆核被拒後一度不適送院,佢較少喺社交媒體透露狀况,立法會前議員邵家臻就出帖話,知道大家緊張Ms Mo,Ms Mo請「石牆花」轉告大家,佢身在羅湖懲教所大倉,一切安好,佢喺入面開班教英文「繼續老本行」,請牆外嘅大家放心。公民黨主席梁家傑都有轉發帖文話「祝福平安」。

阿臻同Emily講,星期六先會去探Ms Mo,以上係佢傳出嚟嘅信息。阿臻話到時會同Ms Mo講,好多好多人特別關心佢,之前已經有好多人問佢Ms Mo嘅情况,出post後亦有好多反應,「外面啲人好惜佢」。

至於Ms Mo開班教英文,阿臻話事緣有同囚小妹妹問佢「unique」點解、點讀,於是就開始每日教啲正面英文,例如「stay positive」、「cheerful」等,仲有唱Amazing Grace𠻹。

相關字詞﹕石牆花 保釋覆核 顛覆國家政權 毛孟靜 邵家臻

上 / 下一篇新聞