港聞

港聞二

【Emily】「唔願接受緊箍咒」 區議員李家偉唔宣誓

【明報專訊】區議員宣誓勢在必行,屯門區議員李家偉就喺facebook表明唔會宣誓,形容宣誓限制區議員言論自由,言行要小心翼翼,要區議員為免被DQ(取消資格)而飾演忠誠反對派。佢話唔願意接受呢個緊箍咒、唔願意以言論自由換取留任。

李家偉話,佢一開始參與區議會選舉,係希望服務2019年嘅抗爭,做到「寸土必爭」為港人爭取制度內話語權,亦令佢所屬嘅富新選區更有人情味。佢強調自己之所以當選,係因為政治環境、抗爭大趨勢加上團隊同街坊努力,「我並不是要做一個傳統意義上的『區議員』,而是在擔當抗爭中的其中一塊齒輪,同時去處理區務」。

話拒宣誓非逃避 「下場一樣慘」

李家偉強調,拒絕宣誓唔係為逃避後果,因為宣誓與否下場同樣慘烈;佢認為由民主派初選、立法會改制度已經明確反映,中共唔會接受「忠誠反對派」,只會接受大跳忠字舞嘅愛國者喺制度內佔一席位,唔宣誓同樣會被清算、面對被捕流亡等風險。不過佢強調尊重每一位嘅選擇,「因為不論宣誓與否,都是一個極為艱難的選擇」。

相關字詞﹕區議員宣誓 宣誓 區議員

上 / 下一篇新聞