港聞

港聞二

【Emily】黃大仙祠以後初一十五開到晚九

【明報專訊】星期五(26日)係農曆正月十五日,即係中國嘅情人節元宵佳節。以往有唔少單身者或情侶當日到嗇色園黃大仙祠參拜月老,祈求蜜運、姻緣順遂,黃大仙祠當晚會延長開放到晚上9點。嗇色園話往後每逢農曆初一、十五皆延長開放黃大仙祠至晚上9點,等公眾欣賞到黃大仙祠喺夜色下另一番意境。

適逢今年係嗇色園100周年紀慶,園方早前為黃大仙祠各殿堂翻修,並增添咗多種燈飾,新春期間未開放嘅月老同埋佳偶天成神像,亦會喺今個元宵節重新開放畀信眾參拜。嗇色園話,想趁元宵節拜月老求姻緣嘅信眾,到時可以帶少少鮮花或水果到祠參拜,提醒講聲:月老像前不設上香。信眾到時只需隨緣樂助(金額不限),園方會提供紅繩畀信眾祈願,寓意千里姻緣一線牽。

相關字詞﹕元宵 黃大仙祠

上 / 下一篇新聞