港聞

港聞二

【Emily】食衛常秘容偉雄退休 食環署長劉利群接任

【明報專訊】再有D8級公務員退休。政府噚日宣布,現任食環署長劉利群今日(23日)起接替容偉雄,出任食物及衛生局常任秘書長(食物)一職;容偉雄會出任政務主任招聘委員會主席,並喺5月展開退休前休假。政府新聞稿未有講邊個會接任食環署長。

容將任政務主任招聘委會主席

容偉雄1983年加入政府,做過多個部門,包括房屋署、政務司長辦公室、財政司長辦公室、運房局等,其中喺曾蔭權做財政司長時擔任佢嘅政務助理,佢2014年底出任商經局常任秘書長(工商及旅遊),2018年4月出任食衛局常秘(食物)至今。

劉利群1988年加入政務職系,2008年7月起出任工業貿易署副署長,2014年3月起任食環署長至今。

公務員事務局長聶德權讚揚容偉雄過去37年一直盡忠職守,對工作熱誠投入,其中新冠病毒疫情爆發期間,佢監督同檢疫相關嘅工作,包括指定檢疫酒店計劃,稱讚容領導有方,衷心祝願佢退休生活充實愉快;又形容劉利群係資深政務主任,具備出色領導同管理才能,有信心佢能夠喺新崗位為市民提供專業服務。

相關字詞﹕劉利群 常任秘書長 食物及衛生局 食環署 容偉雄

上 / 下一篇新聞