港聞

港聞二

【Emily】綠領行動回收1000萬個利市封

【明報專訊】唔知大家喺新年𢭃咗幾多利市呢?環保機構「綠領行動」連續12年舉辦「利是封回收重用大行動」,由噚日起至3月3日,市民可以去全港超過350個公眾收集點,交回利巿封供重用,計劃共有172間機構參與,包括蜆殼油站、莎莎化妝品門市、超過300個商場等。綠領行動希望能夠回收1000萬個利市封重用,並建立港人節日減廢嘅概念。

今年綠領行動透過街站等渠道,合共派出209萬個「新生利是封」,畀市民重用。針對新冠疫情,綠領行動引述外國研究話,只要將物件存放一段時間,就可以減低上面嘅病毒活躍率,甚至令病毒完全消失;所以處理利市封嘅人員會消毒雙手,而利市封派發前會存放約一年,務求令市民用得安心。根據綠領行動早年調查,港人一年產生3.2億個利巿封,相等於伐樹1.63萬棵。

相關字詞﹕回收 綠領行動 利市封

上 / 下一篇新聞