港聞

港聞二

【Emily】沙田區會加隔板 議員:似探監

【明報專訊】新冠病毒疫情近日放緩,但區議會防疫未鬆懈。沙田區議員鄭仲恒噚日開發展及房屋委員會會議期間,發現自己同對面區議員中間再多咗一塊隔板,兩個人仲隔住隔板手貼手,鄭仲恒同Emily形容「入到去感覺,好似探監咁」,又話自己都有案在身,笑言「政府係咪想我哋早日適應(監獄)環境」。

據Emily所知,有其他區議會都設有類似隔板,鄭仲恒就話,沙田區議員早前曾經喺委員會會議提議加隔板,唔知點解拖到咁遲,直至疫情放緩時先加設,認為當局效率較慢。

議員:有隔板應撤會議時限

目前民政事務總署因為疫情關係,每周只開兩次會議、每次限時約兩小時,鄭仲恒認為,嘅然𠵱家再加設隔板,就唔需要再有上述限制啦,唔知民政事務總署幾時會放寬規定呢?

上 / 下一篇新聞