港聞

港聞二

【Emily】余若薇隔離唔覺悶 乖孫溫馨字條打氣

【明報專訊】公民黨前主席、資深大律師余若薇(Audrey)因被香港電台確診髮型師整理過髮型,要隔離檢疫10日。Audrey噚日喺facebook報告,健康一切正常,又話人人都話隔離會悶到發癲,但佢就覺得時間好快過,甚至唔夠用𠻹。梗係啦,身為3女之母嘅佢,有外孫仔女送上溫馨字條,每日陪住佢倒數幾時「出關」,佢哋仲用英文寫上「我愛你」、「我掛住你」、「好好照顧自己」等貼心字句,Audrey形容「天天有驚喜」。

Audrey又話,仲有案件新文件,又一大個file,「點會悶?」Audrey雖然隔離緊,但阻隔唔到好友對佢嘅關心,前日黨友譚文豪就為佢送上自家餐廳「一日三餐」嘅食物,話「點好意思要勞動譚老闆送餐?」

Audrey隔離第二日已經話,本來以為可以乘機減肥,點知唔止冇運動,仲有愛心餐。

相關字詞﹕新型冠狀病毒肺炎 港台 余若薇

上 / 下一篇新聞