港聞

港聞二

【Emily】謝偉銓牛年願望:政府助三無大廈修渠管

【明報專訊】新冠病毒疫情持續,部分樓宇渠道更成為播毒途徑,建築、測量、都市規劃及園境界立法會議員謝偉銓噚日約見發展局長黃偉綸,提出佢嘅牛年願望,希望政府喺下周三公布嘅《財政預算案》中積極回應,包括政府為有重大公共衛生風險嘅私人樓宇,特別係「三無大廈」,由政府直接委聘合資格人士維修有問題渠管,然後向相關業主追回款項,並向有需要業主提供資助。

謝偉銓又建議,擴大現有資助計劃嘅適用範圍或推出新計劃,至包括提升大廈衛生設施,如W形喉管、天台氣喉防擾流消毒淨化系統、免觸式閘門及電梯按鈕、紫外光及噴霧式消毒器等;設立「樓宇維修保養基金」,由政府注資100億元做種子基金,再向每宗物業交易徵費,以配對方式資助同鼓勵業主維修大廈公用地方。

相關字詞﹕三無大廈 新冠病毒疫情 謝偉銓

上 / 下一篇新聞