港聞

港聞二

【Emily】葉劉曾聘唐氏症員工:包容好緊要

【明報專訊】新民黨主席葉劉淑儀早前獲邀參觀特殊教育學校「禮賢會恩慈學校」,並接受該校校長同老師訪問。做過一年教師嘅葉太透露,由佢創立嘅匯賢智庫都有聘請過唐氏綜合症人士,對方好多病痛,𠵱家50幾歲。佢形容,喺聘用時已經知道唔容易,例如唐氏綜合症人士同其他同事相處時,可能喺寫字樓特別活躍,鍾意同人傾偈,都收過投訴話佢騷擾同事。

葉太強調,要令特殊需要兒童過正常生活需要大量資源,唔只係金錢,都要好大愛心同周邊人嘅包容,呢啲都比錢更緊要。

葉太又話,留意到有特殊需要兒童嘅個案對家長負擔好重,希望受到好大壓力嘅家人要搵人幫手,例如專業人士、社工、教育界等,唔好用消極方法解決。

上 / 下一篇新聞