港聞

港聞二

【Emily】與曾鈺成駁火 吳秋北參戰

【明報專訊】立法會前主席曾鈺成與部分「梁粉」及建制派寫手,就特首係咪通過協商產生連日隔空駁火,口水戰未休。新加入戰團嘅有工聯會會長吳秋北。吳秋北喺facebook貼文,同曾鈺成辯論點解近期多人移民英國。吳秋北話有啲人判斷錯誤,仍以為英國是殖民時代的大英帝國,中國是一窮二白嘅落後國家,就係教育問題。「曾主席曾是教育界高層人士,是不知,還是故作不知?選擇『糊塗』,實要懵誰?」

話曾鈺成同反對派「情誼」深厚

曾鈺成日前接受網媒訪問,講到要深入反思點解咁多香港人想離開;又呼籲特區同中央政府,要贏回大多數港人對一國兩制嘅信心。

吳秋北就話,以曾主席嘅睿智,尤其經歷過香港回歸,「以至和反對派之深厚『情誼』」,點會唔了解箇中底蘊,話曾主席明知而故問,必有言外之音。吳秋北話,香港回歸前夕都有移民潮,最終好多走咗嘅人後悔判斷錯誤而回流,「前車之鑑,曾主席可會啟發後人?」佢話同一件事情,有人選擇去相信,有人選擇去盲目,有人選擇睡唔醒,遇到唔信嘅,就由得佢哋唔信了,認為時間會證明一切。

上 / 下一篇新聞