港聞

港聞二

【Emily】新大律師公會主席稱難兼顧 夏博義辭任英國牛津巿議員

【明報專訊】英國傳媒Oxford Mail報道,剛上任香港大律師公會主席嘅資深大律師夏博義(Paul Harris,圖),已辭任英國牛津市議員一職。Emily噚日(8日)打畀夏博義,佢確認今年1月初已經唔再擔任牛津市議員,因為佢接任香港大律師公會主席之後,無法兼顧太多工作。

夏博義2018年代表英國自由民主黨出任牛津市議員。佢原有嘅議席現時懸空,當地會舉行補選,暫時由另一名市議員代替。

全國政協副主席、前特首梁振英就喺社交平台話,大律師公會主席「位高權重」,但由呢位前英國市議員兼任,係「滑天下之大稽,荒天下之大謬」,話佢「應該辭去的是大律師公會主席一職」。

相關字詞﹕牛津巿 夏博義 大律師公會

上 / 下一篇新聞