港聞

港聞二

【Emily】年初一有節目 上網遊鹽田梓藝術節

【明報專訊】旅遊事務署主辦、前年首度舉行嘅「鹽田梓藝術節」,因為疫情關係,今年改以網上形式舉行。公眾可以透過藝術節官網嘅360度實景導覽功能,欣賞島上景點同藝術作品、了解景點故事同創作概念。藝術節期間亦會有多項網上節目,包括網上導賞團、客家茶粿工作坊、藝術工作坊等,如有興趣參與,星期三(10日)起可以報名。

鹽田梓藝術節將由本月12日(周五,年初一),開放至下月11日,藝術節以「天、地、人」3個主題貫穿,前年年底舉行時以「天」為概念,今次就會以「地」為主題,透過藝術作品,展現鹽田梓自然風貌同土地嘅故事。不過,今次展出嘅新作品暫時唔會喺島上公開展示。

相關字詞﹕旅遊事務署 鹽田梓藝術節

上 / 下一篇新聞