港聞

港聞二

【Emily】岑敖暉寫揮春 自嘲小學雞字體 街坊讚好可愛 建制媒體又鬧

【明報專訊】農曆新年臨近,區議員近日馬不停蹄落區為市民寫揮春。部分區議員都因為寫得多揮春,練成一手好書法,但荃灣區議員岑敖暉就似乎仲有改進空間,佢成日笑自己寫嘅係「小學雞字體」,不過街坊都好厚道,有人話佢寫嘅揮春「好可愛」、「書法算不錯」。但有建制媒體就唔放過機會,《大公報》喺facebook鬧佢「小學雞字體就唔好拿來賣弄」。

警察話接投訴到場

陳劍琴:寫心想事成有港獨之嫌?

睇番岑敖暉嘅post,其實同場都有其他人幫街坊寫傳統、藝術書法嘅揮春,岑敖暉話自己練咗一陣都係寫成咁,都係交畀書法高手寫比較好。

荃灣區議員陳劍琴噚日亦出post,話寫完揮春準備執拾物資時,有警員話接獲市民投訴,包括話佢哋多人聚集、違反限聚令,又話有市民投訴街站有港獨內容。陳劍琴就話,自己喺街站一句「香港獨立」冇寫過,「我想來想去,係咪『心想事成』都有『香港獨立』之嫌,還是我寫的那句『民主歸來』令人覺得我講『香港獨立』」。

沙田區議員黃文萱就寫咗唔少歌詞、潮語做揮春,包括近期大熱嘅「天竺鼠車車PUIPUI」、漫畫《名偵探柯南》台詞「真相只得一個」等等。

上 / 下一篇新聞