港聞

港聞二

【Emily】DQ4薪津處理 行管會提和解建議

【明報專訊】立法會前議員郭榮鏗、楊岳橋、郭家麒、梁繼昌,去年11月因人大決定而被DQ,到底會唔會被追薪津呢?立法會行政管理委員會噚日開會,主席梁君彥表示考慮過往先例、法律意見、成功追番款項嘅機會,以至法律費用及對方抗辯理由,行管會決定提出和解建議,會同佢哋磋商細節。

料按比例追討兩月約滿酬金

梁君彥話會以「法、理、情」處理議員薪津安排,因為對方有抗辯理由、行管會亦有追討嘅法理依據,沿用過往原則處理會較穩妥。

有行管會中人同Emily講,既然4人工作至11月,人工、已出糧畀伙記嘅開支「冇乜理由拎番」,最多係討論約滿酬金部分,因為嚴格嚟講佢哋只係工作至7月,估計或按比例追討約兩個月嘅約滿酬金。另一行管會中人就話,約滿酬金只係發放至7月都合理,話晒DQ係由當時開始計,但都要再討論。

翻查資料,過往喺立法會前議員劉小麗、羅冠聰、梁國雄、姚松炎被DQ議員嘅薪津問題上,行管會當時提出各人毋須歸還全數薪津,只需歸還已預支嘅營運資金、資本項目(如手提電腦)等。

相關字詞﹕梁君彥

上 / 下一篇新聞