港聞

港聞二

【Emily】阿彪挑羅致光機 邀辯失業援助金

【明報專訊】勞顧會勞方代表、工聯會鄧家彪噚日發公開信,「十問」勞工及福利局長羅致光點解仲未有失業援助金,佢邀請羅致光走出辦公室,公開辯論「設立失業援助金」。勞福局發言人回覆Emily,話羅致光一直有透過不同渠道同勞工界代表直接溝通,經常就重要嘅勞工議題同勞顧會勞資雙方代表會面交流,包括剛於上星期與9個勞工組織代表會面,就如何協助失業者交換意見,無正面答會否應邀。

質疑保就業數周可推

「羅局長,不怕人感重企業輕失業?」

鄧家彪公開信質疑,羅致光話失業援助有道德風險,會出現濫用,但就設計一擲千億嘅「保就業」計劃,畀原本已賺大錢嘅企業獲得數以億元計資助。佢又提到,局長指設立失業援助行政複雜,難以界定,咁點解幾個星期內可以為全港僱主設計「保就業」,但經過成年,仲係無法對有400萬有登記強積金嘅僱員研究失業支援嘅方案,「羅局長,您不擔心讓人感到厚此薄彼,重企業輕失業嗎?」

阿彪批評羅致光「拋浪頭」話冇政團敢公開承諾失業改善時取消失業援助,勞工界已拋出劃線150億嘅失業援助基金建議,甚至公開表明失業率跌到4%就取消援助,反問點解羅致光唔回應。

相關字詞﹕羅致光 勞福局 工聯會 鄧家彪

上 / 下一篇新聞