港聞

港聞二

【Emily】「新華香港」fb發炮 鬧BNO計劃遮羞布

【明報專訊】英國政府噚日起推出計劃,合資格港人可以BNO申請移民當地,事件引起北京及港府口誅筆伐,官媒不停發炮,新華社亞太總分社facebook專頁「新華香港」,噚日至少出咗6個post鬧英方政府,又引用官方評論,出政治漫畫,話英國政府搞「政治遮羞布」,透過BNO計劃「斂財牟利」。

劉夢熊話BNO純屬英國內政

曾任全國政協嘅劉夢熊就喺fb話,「BNO持有人可否獲居英權或申請加入英籍,純屬英國內政,中方無權干涉」。佢又話港人進出香港及內地,通常用身分證、回鄉證,認為中國外交部唔承認BNO為有效旅遊證件,並無實際意義。

劉夢熊話「得民心者得天下」,只要按照鄧小平一國兩制初衷,按照中英聯合聲明同基本法,「堅持一國原則,尊重兩制差異,二者不可偏廢」,保持香港長期繁榮穩定,保障港人各項自由同權利,令真正人心回歸,香港人自然有BNO都唔會走;相反如繼續搞「一左二窄」一套,失去民心,只會「為淵驅魚,為叢驅雀」!

相關字詞﹕劉夢熊 BNO移民

上 / 下一篇新聞