港聞

港聞二

【Emily】中聯辦新春酒會改網上舉行

【明報專訊】唔少社團每年都會舉辦新春酒會,最大型之一嘅係中聯辦舉辦嘅酒會,每年出席酒會人數都過千,冠蓋雲集之餘,中聯辦主任亦會致辭。不過本港新冠病毒疫情持續嚴峻,特區政府亦取消咗多項新春活動如煙花匯演等,而中聯辦今年就會照搞新春酒會,但就由過往通常喺會展大禮堂搞,改為網上舉行。

中聯辦近日陸續向各界發出新春賀卡,入面有酒會邀請函,邀請大家出席參與下周五(2月5日)下晝舉行嘅2021辛丑年「新春雲酒會」,5點可以去中聯辦官網睇,並附有QR Code方便大家到時觀看,邀請函仲預告「屆時香港電視媒體將會同步播出」。

相關字詞﹕新春酒會 中聯辦

上 / 下一篇新聞