港聞

港聞二

【Emily】撐黃店糕點 楊雪盈拍片煎燶糕

【明報專訊】唔少人都會食糕點過年,灣仔區議會主席楊雪盈(圖)噚日為黃店推廣糕點,並下廚煎蘿蔔糕、芋頭糕,不過就有少少蝦碌,事關佢落油唔夠,結果有啲黐底,令個煲都燶咗少少,佢仲話聞到有燶味。楊雪盈笑言自己論盡,希望大家唔好嫌棄,又強調啲糕真係好香,仲出動私伙貓貓廚具盛糕。

楊雪盈拍片時都話好緊張,透露自己好少煮嘢食,中學時冇上家政堂,成個中學都冇入過廚房,最多係等同學上完家政堂後,佢就食對方整嘅蛋糕、曲奇餅;大學時會煮吓即食麵,但因媽咪好勤力做家務、唔太鍾意其他人入廚房,所以佢話自己廚藝發展都比較遲緩。楊雪盈並乘機力銷「黃店」糕點,不斷話蘿蔔糕有蝦米臘肉、好香口,有3種蘿蔔喺入面。

上 / 下一篇新聞