港聞

港聞二

【Emily】政府3年移除2000橫額 象哥倡增舉報誘因

【明報專訊】呢屆區議員上任超過一年,佢哋年中都有唔少橫額被政府要求移除。民建聯黃定光(象哥)問政府喺過去3年有幾多區議員嘅橫額被移除,同埋會唔會提供誘因,鼓勵市民舉報有不當內容嘅橫額;政府噚日回覆,話喺2018至2020年期間,約有2000幅宣傳品被要求移除。

食物及衛生局長陳肇始回覆嘅書面答覆話,如果宣傳品被撤銷展示許可,區議員唔會獲發還印刷等有關開支。如果市民懷疑有宣傳品違規,可以向地政總署、分區地政處或經1823政府熱線投訴。

立法會前議員、葵青區議員尹兆堅喺去年10月話,自己有幅橫額印有「明日大嶼 萬億公帑倒入海」、「大灣區投票 選舉被操縱」等字句,佢寫會力阻上述「惡法」極速通過,被地政處指涉「淫褻或意識不良」、「內容與申請表所述不同」,要求移除。

相關字詞﹕食物及衛生局 橫額 區議會

上 / 下一篇新聞