港聞

港聞二

指威脅監房秩序 懲教退回邵家臻年曆卡

【明報專訊】來到新一年,關注囚權嘅立法會前議員邵家臻早前寄咗啲年曆卡畀囚友,點知近日遭懲教署退回,話信件威脅監房秩序,所以唔可以收信。阿臻噚日同Emily講,年曆卡由社民連主席黃浩銘設計,上面印有「好人一生平安 身體健康」等字句,無加上任何政治標誌。

印有「好人一生平安」 無政治標誌

除咗年曆卡,阿臻都有寄信入去,問囚友可需代送賀年糕點畀屋企人,有需要就寄番張「回條」出嚟,不過呢張通告同樣被拒入內。阿臻覺得好不滿,話懲教署成日話人性化管理,但就連咁普通嘅事都要禁止,佢質疑年曆卡同購物回條有乜咁大殺傷力,可以威脅到監房秩序。

提出代囚友送賀年糕點 通告同拒收

懲教署回覆話,任何寄畀在囚者嘅信,如果性質或內容對任何個人嘅人身安全或對院所嘅保安、秩序及紀律造成威脅,署方可按例將信件截留,並退回發信人或銷毁。

相關字詞﹕囚權 邵家臻

上 / 下一篇新聞