港聞

港聞二

【Emily】鄒家成護照交出 嘆外國進修夢碎

【明報專訊】「35+大搜捕」嘅被捕人上星期四陸續保釋,包括喺民主派立選初選中參選新界東嘅鄒家成,佢噚日喺facebook講番感受。被捕各人都要向警方交出旅行證件,鄒家成話,雖然「干犯」港區國安法,交出護照係「基本盤」,但感到失望都正常,因為佢被捕前正計劃今年9月到外國進修一下,都算係幾熱切期待,形容「浸浸鹹水」嘅夢想一下子碎掉,令佢憤怒同不安,有啲不知所措。

被捕日原擬返校搞學位轉移

鄒家成係公開大學護理系學生,不過因為決心從政、「自知可能等不及2023年取得護士牌」,所以轉為以最快嘅形式隨便拎一個學位作罷。佢話被捕當日原定返學校處理有關學位轉移嘅行政手續,不過按目前情况可以再計劃一下先。

道別時母親雙眼通紅

講到家人睇到佢被捕嘅反應,佢話阿媽選擇到洗手間梳洗,直到搜捕程序差唔多完成,先出嚟同佢道別。鄒家成形容,「天下沒有一位母親甘願自己的兒女在亂世之中與極權搏鬥,這是肯定的」,阿媽喺洗手間出嚟後雙眼通紅,與佢從容地說聲再見好似有點呼應。當時佢一直諗:「拜托,拜托,千萬不要在她面前鎖我孖葉。」

相關字詞﹕港區國安法 民主派初選 母親 旅遊證件 鄒家成 35+大搜捕

上 / 下一篇新聞