港聞

港聞二

【Emily】律敦治派福袋 確診者獲Wi-Fi蛋 心情變好

【明報專訊】新冠病毒確診者入院後,家人往往亦列為密切接觸者須檢疫,甚至一同確診,所以常見入院確診者孤獨無援。律敦治醫院去年7月開始為每個確診患者預備「福袋」,內有基本生活用品,等病人至少唔會物資短缺。

內有廁紙毛巾洗漱用品

福袋入面有拖鞋、牙刷、冲涼用品、毛巾、廁紙、暖水壺等。律敦治醫院註冊護士楊樂話,最初接收確診者時,常見佢哋親友亦確診或喺隔離營,曾聽聞有確診者想畀錢醫護人員,請求佢哋幫忙購買日用品。律敦治醫院病人資源中心6月向醫護查詢病人有無特別需要,醫護提出呢個情况後,病人資源中心7月開始為每個病人派發「福袋」,楊樂話病人反應唔錯。

楊樂又話,唔少病人查詢醫院有無Wi-Fi,所以近3個月律敦治醫院為病人提供Wi-Fi蛋,有咗Wi-Fi之後,病人生活影響減少,唔少人心情都好咗。

上 / 下一篇新聞