港聞

港聞二

【Emily】去大館遇城大學生邀合照 葉劉唔怕被惡搞

【明報專訊】新民黨主席葉劉淑儀噚日又喺facebook曬靚相,同朋友去大館一間係「打卡」勝地嘅日系咖啡店飲下午茶,佢話走嗰陣遇到10幾個大學生影相,細問下原來係城巿大學學生會學生,其中幾個更同佢合照。葉太話隨行同事問佢唔驚學生會「惡搞」合照咩?但佢認為「身為政治人物,若連走進人群的勇氣也沒有,不敢接受批評,那只代表問心有愧而已」。

葉太話,立法會少咗拉布同破壞,效率大為提高,所以佢先可以忙裏偷閒,前日分別開完立法會大會同議事規則委員會會議後,相約好友飲下午茶;好友帶埋兩個女一齊去,因為兩個女都係葉太嘅「粉絲」,仲一直有追蹤佢嘅facebook同IG,所以想同葉太合照。

葉太話好友嘅大女得9歲、好乖巧,不禁令佢諗起身在英國嘅囡囡。葉太讚呢間人氣咖啡店風景唔錯,話下次囡囡返香港,一定會帶佢再去。

相關字詞﹕大館 葉劉淑儀

上 / 下一篇新聞