港聞

港聞二

【Emily】海關領犬課程與副學位資歷「同級」

【明報專訊】香港關口除有賴海關人員把守外,仲需要一班專業搜查犬。海關噚日話,佢哋嘅領犬訓練課程通過咗香港學術及職業資歷評審局嘅評審,獲評為資歷架構第4級,同本地副學士學位及高級文憑同級。呢個係海關第4個獲評審局認證嘅課程,亦令海關成為本港首個獲得領犬訓練課程認證嘅執法部門。

通過評審嘅課程係「領犬(毒品搜查)專業文憑」,課程為期10個星期,學員要學習多個執法範疇嘅領犬技巧、犬隻及毒品知識、搜查原則等等。海關話,首批受訓學員下個月完成課程,佢哋通過考核後會成為合資格毒品搜查犬領犬員,並派去前線唔同崗位執行職務,喺各個出入境口岸協助處理旅客、貨物同運輸工具嘅清關工作,加強打擊跨境販毒活動。

海關上年7月自行繁殖6隻拉布拉多幼犬,海關話,呢4隻幼犬各有特質,當中部分會接受資歷認證課程訓練,成為毒品搜查犬。

上 / 下一篇新聞