港聞

港聞二

【Emily】612基金告急後募得 837萬

【明報專訊】近月有團體被指涉眾籌「洗黑錢」,令外界憂慮「612人道支援基金」嘅運作。612基金噚日喺facebook公布新一份工作簡報,截至去年11月底,基金可動用結餘為914萬元。另外,自基金公布去年10月工作簡報並告急後,上月共有6162人次捐款,一共募得837萬,基金感謝各捐款人嘅信任及支持。

612基金自2019年反修例運動開始後成立,工作報告顯示,基金接收捐款近1.73億元,並直接向申請人提供咗1.44億元作人道支援、批出項目資助965萬;並直接支援19,151人次,包括提供法律費用、借出保釋金、醫療及情緒支援費用等。至於目前嘅月捐情况,截至上月底,共有553人登記網上月捐,月捐金額為23.7萬。基金話因應政府唔清晰嘅執法尺度,呼籲市民透過捐款網站定額月捐,或定期每月向基金戶口存入捐款,令基金有較穩定收入以應付每月開支,而同時毋須喺銀行戶口儲存龐大嘅結餘。

上 / 下一篇新聞