港聞

港聞二

【Emily】郭榮鏗出書《當守的道》 暫無簽名會

【明報專訊】唔少政界人物都會出書講心路歷程,早前喺人大常委會「決定」下被DQ(取消資格)嘅立法會前法律界議員郭榮鏗(Dennis),將會出版新書《當守的道》,封面張相係佢自己喺20幾年前影落嘅𠻹。Dennis都有分享消息,話《當守的道》係自己第一本、唔知會唔會係唯一一本嘅著作,敬請期待咁話。公民黨主席梁家傑就分享帖文,話自己「期待中!」

負責出版Dennis新書嘅出版社「壹壹陸工作室」喺facebook公布消息後,唔少網民都話想要親筆簽名,又問會唔會有簽名會;「壹壹陸工作室」就回應話,限聚令下暫時唔會安排簽名會,並透露目前旺角序言書室已確定會入貨,正式出版後,會話畀大家聽有邊間書店會售賣簽名本。有興趣嘅書迷記得留意喇!

上 / 下一篇新聞