港聞

港聞二

【Emily】臨近「登六」 薛永恒沙田買樓自住

【明報專訊】港台《舊日的足跡》噚日播出創新及科技局長薛永恒嘅錄音訪問,節目主持人淑梅姐「踢爆」薛局長臨近「登六」先置業,住自己樓。Emily翻查行會個人利益申報,薛永恒上年11月中通知行會秘書處,佢嘅家庭成員喺沙田買咗個單位自住,此前佢太太同太太家人已持有一個喺觀塘嘅住宅單位收租。

薛永恒喺節目話,出任創科局長之前做咗公務員30幾年,一直都住喺政府提供嘅宿舍,離開公務員團隊無宿舍喇,就開始租樓,但太太話租樓嘅話啲家俬就唔可以隨心所欲咁用,所以就要搵屬於自己嘅居所;佢強調係有需要先買,唔係投資。薛又透露,自己同已屆87歲嘅媽媽一齊住,閒時會同太太、仔女、媽媽打麻將減吓壓;而佢亦係天主教徒,會同家人去望彌撒。

相關字詞﹕置業 車淑梅 舊日的足跡 薛永恒

上 / 下一篇新聞