港聞

港聞二

【Emily】陳沛然緊貼潮流 兩年前已留意姜濤

【明報專訊】叱咤頒獎禮過去幾日成為網絡熱話,21歲歌手姜濤(圖)奪得「我最喜愛的男歌手」,佢嘅歌《蒙著嘴說愛你》獲「我最喜愛的歌曲大獎」,引起唔少討論,原來連醫學界立法會議員陳沛然都有留意姜濤,仲特意提到姜濤喺得獎感言中,有感謝香港醫護人員。

特意提姜濤感謝醫護

陳沛然噚日喺網誌以「姜濤在得獎感言中感謝香港醫護人員」為題,自言作為「70後」都會變老餅、有代溝,所以叫自己留意潮流,目的係唔好太脫節。佢上載前年初出席活動時嘅相,同場有姜濤、盧瀚霆等樂壇新人,話當時已經發現好多歌迷支持呢班「不知名的新人」,所以上載照片上facebook,又寫低一眾新人嘅名,希望自己記得。

陳沛然話好多人問邊個係姜濤,佢就喺網誌寫咗唔少姜濤嘅資料,由對方1999年喺瑪麗醫院出世,講到姜濤嘅歌兩年間喺YouTube點擊率超過100萬,又話《蒙著嘴說愛你》係「抗疫歌曲」,感謝醫護人員嘅同時,都為香港人加油、打氣。陳沛然話姜濤歌迷唔止少女,形容姜濤獲叱咤男歌手獎,都反映唱片業轉變。

相關字詞﹕我最喜愛的男歌手 醫護人員 姜濤 陳沛然

上 / 下一篇新聞