港聞

港聞二

【Emily】警隊盤點2020年 函傳媒多前年3倍

【明報專訊】唔少人近日都回顧剛過去嘅2020年,香港警察噚日喺facebook盤點2020年同市民「加強溝通」嘅數據,提到為促進同傳媒溝通及釐清事實,警察公共關係科喺舊年一共向傳媒及相關記者協會發出超過120封信件,比2019年上升三倍。

警察喺fb話,為增加市民對警察服務嘅認識及信心,警隊透過多個社交媒體平台向市民發布信息,加強警務工作透明度。以警隊fb專頁為例,2020年警隊共發布超過2100個帖文,比2019年上升超過一倍。而對於大眾關注嘅案件,一共直播咗超過380次案情簡報,亦按年升咗近兩倍。

香港警察話,喺新一年會繼續採取積極、主動態度同公眾溝通,加強市民對警隊嘅了解,推廣警隊正面形象同埋爭取社會對警隊信任。

相關字詞﹕新聞行政人員協會 香港記者協會 香港警察

上 / 下一篇新聞