港聞

港聞一

兩拍檔由細玩大 一齊吸毒一齊改過

【明報專訊】三十出頭的鄭修錚和陳旭亮一下班便趕到深水埗「尋回家」,汗流浹背充當裝修工人。兩人是由細玩大的好友,曾經一起沉淪毒海,阿修更受毒品影響幾乎斷送親人性命,離開監倉後兩人決定遠離毒品,今年更自掏腰包籌辦更生者宿舍,一手一腳打造為更生者而設的家。

一曾吸毒後斬母兄

「我嗰次爭啲殺咗自己屋企人……」7年前阿修吸毒後持菜刀斬傷母親及胞兄,兩人重傷留醫多日。阿修被捕後被送入小欖精神病治療中心,認識一名因吸毒弒母的囚友,傾談下發現兩人犯案時均神志不清,「嗰時覺得嗰個唔係阿媽」。阿修眼泛淚光說:「佢(囚友)案發之前睇過我單新聞,就同佢阿媽講,『我先唔會好似啲人咁,high(吸毒)到殺咗自己屋企人』,跟住過多個幾禮拜佢真係做得出,所以好震撼。」阿修最後被判4個月醫院令,「我問佢(囚友)若畀你揀多次,可以出番去你會點樣,佢話好想同啲人講唔好再吸毒。我好彩可以出番嚟,我都希望可以幫到人」。阿修離開醫院後,決定擺脫纏擾自己整整4年的毒品,透過善導會協助重投社會,現為「尋回跑隊」成員之一,也是盲人跑隊的領跑員。他亦與家人修補關係,一家人間中聚首吃飯。

另一人在囚時親人去世 悟珍惜

阿亮同樣曾因毒品犯事入獄4年多,「喺入面都見啲人出出入入,來來去去都係嗰班」。他說不少囚友都是「黑手」,即並非首次入獄,「喺入面坐時我媽身體唔好,擔心我,病咗好耐,同埋一個好親嘅親人過咗身」。阿亮慨嘆入獄失去與家人的時光,也不願再在獄中虛度光陰,出獄後幸得好友阿修扶持,一同改過,阿修今年更邀請阿亮加入「尋回跑隊」,「我哋由細識到大,一齊吸毒,都想一齊好」,兩人相顧笑道。

上 / 下一篇新聞