港聞

港聞二

【Emily】林鄭聖誕卡寄議員 藏香港十大標記

【明報專訊】特首林鄭月娥寄聖誕卡畀立法會議員,祝議員聖誕快樂、新年進步,卡上印有香港十大著名標記,問大家搵唔搵到。收到聖誕卡嘅民建聯劉國勳喺facebook上載張聖誕卡同大家齊齊搵標記,順便講自己嘅聖誕願望。佢話:「若果行政長官能盡快宣布進行全民檢測、善用安心出行、早日通關及回復正常生活,相信是最好嘅聖誕禮物,大家都會聖誕快樂,新年進步」。

劉國勳話全民檢測係最好禮物

睇番特首張聖誕卡,喺聖誕樹周圍圍滿香港著名標記同聖誕老人。Emily喺卡上搵到中銀總行大廈、禮賓府、山頂纜車、凌霄閣、天星小輪、會展、政府總部、科學院金蛋。唔知大家搵唔搵到剩下兩個標記係咩呢?想知可以去特首林鄭月娥fb睇。

上 / 下一篇新聞