港聞

港聞二

【Emily】海洋公園水獺企鵝密密添丁

【明報專訊】海洋公園因疫情暫停開放,唔少人都掛住園內嘅動物明星。噚日園方傳來好消息,話公園近月「添丁」,多咗一批可愛嘅水獺及巴布亞企鵝寶寶。11隻企鵝寶寶先後自11月底破殼而出,而巴布亞企鵝嘅繁殖季節會持續至明年2月底先完結,所以公園預計喺未來數星期仲會有多啲新成員誕生。

另外,水獺家族8月亦誕下6隻小水獺,令成員數目倍增至12隻,一眾護理員都好驚喜。小水獺好快適應咗家庭群居生活,𠵱家活力十足,不時跟水獺爸媽學游水,及同兄弟姊妹玩。公眾暫時未能親身探訪,但公園早前已經喺facebook及Instagram分享寶寶近况,等粉絲可直擊護理員餵飼小水獺,安坐家中都可以追蹤到佢哋嘅最新動態。

相關字詞﹕企鵝 水獺 海洋公園

上 / 下一篇新聞