港聞

港聞二

【Emily】中大27藏品入選《國家古籍名錄》

【明報專訊】中國文化和旅遊部今個月13號公布第6批《國家珍貴古籍名錄》(下稱《名錄》),中文大學再有27個藏品入選,計埋今次中大已經有35項碑帖同古籍入選《名錄》,仲係唯一有藏品入選嘅香港院校。

中大話,今次入選嘅其中15種古籍版本珍貴獨特,涵蓋經、史、子、集,而且有雕版印刷、套印、稿本同埋抄本𠻹。

《名錄》由文化和旅遊部擬定,經國務院批准後公布,主要收錄1912年前書寫或印刷,以中國古典裝幀而具有重要歷史、思想和文化價值嘅珍貴古籍,以及少數民族文字古籍。想欣賞今次入選《名錄》嘅中大古籍唔使特登入校園,因為中大已經掃描古籍,並上載到「香港中文大學數碼典藏」,開放畀大家瀏覽欣賞或作教學研究之用。

相關字詞﹕國家珍貴古籍名錄 中大 中國

上 / 下一篇新聞