港聞

港聞二

【Emily】泛民曾劣評 法律顧問馮秀娟下年退休

【明報專訊】立法會法律顧問馮秀娟喺去年逃犯條例爭議,同今年內會停擺風波,畀民主派批評「偏幫」建制派。Emily聽聞,作為立法會法律事務部第一把交椅嘅馮秀娟,出年60歲夠鐘退休,立法會行政管理委員會已成立小組,物色繼任人,計劃搵獵頭公司公開招聘,而立法會法律事務部嘅其他職員都可以申請呢個位。

馮秀娟喺1996年6月加入立法會秘書處,2015年接替馬耀添,出任立法會法律顧問,當時立法會委聘獵頭公司協助招聘工作,立法會法律部嘅職員同外間人選一齊「跑馬仔」,最終時任高級助理法律顧問嘅馮秀娟獲晉升。馮秀娟噚日出席內務委員會會議,Emily問佢退休一事,佢話「遲啲你咪知囉」。

議會陣線朱凱廸9月辭任立法會議員時,去信感謝立法會職員,但講明唔包括馮秀娟同立法會秘書長陳維安。阿廸之前批評佢哋玩弄議事程序、強行取消修訂《逃犯條例》法案委員會主席選舉主持涂謹申嘅資格等。

相關字詞﹕馮秀娟 立法會法律顧問 立法會

上 / 下一篇新聞