港聞

港聞二

【Emily】農場動土 城大牛奶雪糕「名物」可期

【明報專訊】城大籌備多時嘅動物醫學教學農場,噚日正式動土。校方話農場有達國際標準嘅設施,日後可以畀教學人員、學生做相關教學同研究。講到農場,又點可以無動物呢,校方之前就話會養牛,噚日就講預計教學農場一年後可供應高品質嘅城大牛奶同雪糕。到時大家可能有機會品嘗城大「名物」!

城大校長郭位同大學管理層、教職員同獸醫系學生噚日出席城大教學農場動土儀式,郭位話感謝大學社群過去10多年嚟嘅支持、團結合作同堅持不懈,令城大得以發展成為區內動物醫學同生命科學嘅領先大學。睇番資料,郭位2018年2月時公布購入農場嘅消息,當時佢已興奮話建好農場後可以「擠牛奶和吃雪糕了」。

相關字詞﹕獸醫 郭位 大埔林村 城大

上 / 下一篇新聞