港聞

港聞二

【Emily】知專畢業生研靜觀減壓智能裝置

【明報專訊】社會有點躁動,平靜心境好重要,香港知專設計學院(HKDI)產品設計高級文憑畢業生余凱明(Kinsey)話睇到需要,開發咗一部智能健康裝置,畀人以靜觀(mindfulness)方法減壓時,量度心跳同呼吸。

Kinsey話年初疫潮初起時,港人搶購防疫用品,大家都好緊張,或忽略疫情對心理造成嘅影響,Kinsey同幾個合伙人創立產品設計初創公司,研發便攜式智能裝置——Mindnap,畀人隨時隨地運用小工具靜觀減壓。

呢個小型裝置附有生物傳感器,可探測使用者嘅心跳同呼吸狀態,使用者做靜觀練習時,可以手握裝置,或放喺掌心上,附設嘅震動功能可以引導使用者調息呼吸,等心跳進入較穩定嘅狀態,從而放鬆繃緊神經。儀器仲會將用家嘅心跳、呼吸等數據,儲存至手機應用程式。Kinsey話,有海外團體對裝置有興趣,希望明年可以將產品推出市場。

上 / 下一篇新聞