港聞

港聞二

【Emily】周庭之鋒大學畢業

【明報專訊】近日係畢業禮嘅季節,投身社運多年嘅前香港眾志成員周庭,原來終於都畢業!話說佢噚日喺facebook上載畢業照,透露去年12月終於完成學業,啱啱過咗網上畢業禮,「正式成為香港浸會大學政治及國際關係學系畢業生」。

嘆休學兩次 畢業論文寫得趕

周庭自言,呢兩年好多人問佢畢咗業未,始終佢由中四開始參加社運,大家一直見證佢成長,經過幾場社會運動,大家會有種佢讀咗好耐書嘅感覺。佢慨嘆自己大學生涯過得一啲都唔易,經歷雨傘運動、反修例運動,甚至休過兩次學,連畢業論文都寫得好趕急。佢亦多謝多年來老師、同學照顧,並透露有幾個老師喺佢艱難時候支持佢、同佢傾吓唔同解決方法。

之鋒話如無意外下月初行畢業禮

除咗周庭,前香港眾志秘書長黃之鋒都由公開大學畢業。佢日前話如無意外下月初會出席畢業禮,但因為包圍警總案,佢下周要上庭,擔心可能被還押,話可唔可以順利參與大學畢業禮仍然係未知之數。

相關字詞﹕畢業禮 周庭 黃之鋒 社會運動

上 / 下一篇新聞