港聞

港聞二

【Emily】梁美芬一身粉紅賀登六

【明報專訊】經民聯立法會議員梁美芬(Priscilla)噚日穿上粉紅色套裝,連口罩同鞋都襯埋色咁開立法會,原來噚日係佢生日,正式「登六」(60歲),唔怪得咁搶鏡!佢黨友林健鋒都發短訊向佢祝壽,同Emily形容Priscilla噚日係「Pink Lady」。Priscilla議辦職員噚日準備咗好多個美心蛋糕同佢慶祝,其中一個係米奇老鼠,唔知係咪襯番「鼠王芬」呢個外號呢?佢開生日派對時,仲要換咗套唐裝衫影相,都係粉紅色。金融服務界議員張華峰就代表經民聯到場祝賀。

被問到有咩生日願望,Priscilla話希望去年嘅政治事件後,多啲家庭互相愛護,減少社會撕裂,自己就最緊要健康。佢話,年齡唔係秘密,「登六」嘅佢即刻為同齡人爭取,希望政府兌現承諾,放寬兩蚊乘車優惠畀60至64歲市民。

相關字詞﹕林健鋒 梁美芬

上 / 下一篇新聞