港聞

港聞二

【Emily】羅冠聰領馬格尼茨基人權獎

【明報專訊】流亡海外、現身處英國倫敦嘅前香港眾志主席羅冠聰(圖)獲頒馬格尼茨基人權獎(Magnitsky Human Rights Awards),前日阿聰出席網上頒獎典禮,由末代港督彭定康介紹出場,彭定康讚揚阿聰勇敢捍衛民主、人權。阿聰話兒時家貧,父母做地盤、清潔工人,所以佢一心打算掙錢養屋企人,原本無諗過參與政治,但最終因為社會事件變成學生領袖,而流亡海外嘅決定,更加完全改變咗佢嘅人生。

阿聰喺facebook發文,話香港嘅民主運動非常重要,因為「香港是極權與民主鬥爭的前沿,假如香港爭取民主的聲音就此隕落,定必會令民主價值遭到極大的挫敗」,仲話香港嘅抗爭成為咗世界嘅抗爭。阿聰呼籲民主國家喺對抗極權嘅路上,團結採取實質措施,鞏固民主嘅果實。

相關字詞﹕民主 人權 羅冠聰

上 / 下一篇新聞