港聞

港聞二

【Emily】梁振英視點31講教育 網民讚港台「包容」

【明報專訊】香港電台近年經常受到建制派批評,其實佢哋都有不斷邀請建制派人物出席節目論政,而最新嘅消息,係視點31邀請到全國政協副主席、前特首梁振英(CY)做嘉賓,今日下晝3點半透過facebook LIVE開講,主題包括教師被指違規失德事件。港台喺網上預告節目時,網上反應已經好熱烈,有粉絲叫好,但都有唔少人留言揶揄CY,有人話港台真包容,不斷被人指控,仍然無私履行公共廣播原則,安排CY出鏡。唔少人見到CY要講教育,就重提CY家事及女兒嘅事嚟攻擊,質疑佢有無資格講教育。

重提CY家事 質疑「無資格」講

CY就對違規教師事件鍥而不捨,噚日睇到新聞報道,因教鴉片戰爭資料錯誤而被釘牌嘅前小學教師申訴,CY即刻喺社交媒體發炮,話對方嘅辯解「搵鬼信」,並再次用貶義用語斥教協,指「這個陀地實在太過分」。

相關字詞﹕DQ教師 港台 教協 梁振英

上 / 下一篇新聞