港聞

港聞二

【Emily】張超雄怕坐監 鍾劍華號召幫手湊女

【明報專訊】工黨張超雄早兩日接受本報訪問,講到擔心自己會入獄,智障女兒要靠太太獨力照顧。超雄前日喺facebook轉載訪問,香港民意研究所副行政總裁鍾劍華留言話,如果超雄真係咁唔好彩入獄,「我搵人一齊輪流去幫你照顧你個女!」最後更加一呼百應,唔少人舉手報名,話要排住隊去幫手。超雄素來關注弱勢社群,今次就到各方好友主動話要幫佢手。

張超雄本月初被警方上門拘捕,涉喺5月8日嘅立法會內會衝突中違反「藐視罪」。鍾劍華留言叫超雄放心,「我唔信舉張紙都告得入!不用擔心!」仲話會幫忙照顧佢個女。超雄回覆話:「真係感動呀!」

群福婦女權益會前主席廖銀鳳就話,自己會陪住張太,叫超雄「請好好休息!有事請吩咐!不用客氣!」超雄回覆廖銀鳳話,「 咁我就安心啦」。

相關字詞﹕立法會 鍾劍華 張超雄

上 / 下一篇新聞