港聞

港聞二

【Emily】DQ泛民 田少話林鄭「擺中央上枱」

【明報專訊】4名民主派議員因全國人大常委會《決定》被DQ,觸發整個民主派總辭。自由黨榮譽主席田北俊(田少)噚日出席《城市論壇》,批評特首林鄭月娥「最近一年嘅步驟,係無『弄得透』」,認為𠵱家中央畀佢「擺咗上枱」,話林鄭自己搞唔掂,就叫中央幫手搞掂佢。

田少認為,林鄭月娥容許畀選舉主任DQ嘅議員延任,其後又反悔,但佢無權突然炒議員,所以叫中央「不如你落個order(命令),等佢哋可以無得做喇」。田少希望𠵱家講清楚議員嘅標準,「唔好到時又搬龍門」。

田少又認為,今次政府開口埋口,都話DQ同拉布無關係,「即係你拉布係得嘅,立法會投反對票都得嘅」,認為民主黨無人被DQ,係因為無去美國叫人封殺香港。民主黨主席胡志偉就話,有問題就叫中央搞掂佢,其實會從根本上破壞《基本法》。

相關字詞﹕城市論壇 民主派

上 / 下一篇新聞