港聞

港聞二

【Emily】港大選學生校委 會長葉芷琳贏出

【明報專訊】一連三日嘅港大校委會本科生代表選舉噚日結束,結果由學生會會長葉芷琳(圖)當選。葉芷琳將接替李梓成,下星期一(16日)起成為校委會本科生代表,任期一年。葉芷琳話就快卸任嘅李梓成教咗佢唔少嘢,包括校委會開會程序、重要議題等等,又提醒佢開會前要做足功課,要同李梓成講聲多謝。

港大校委會共24名委員,其中一人由港大全日制本科生選出。今次投票喺網上舉行,葉芷琳攞到1816票,大幅拋離對手、得67票嘅四年級生麥嘉晉。計埋今次,麥嘉晉已經連續參選兩屆本科生代表選舉,但都輸咗。

夾埋唔夠2000人投票

計番雙方得票、棄權票同廢票,夾埋唔夠2000人投票。葉芷琳話由於選舉喺網上舉行,𠵱家又唔係人人都要返港大上堂,自己就算擺街站都唔多人見到,難啲令同學關注,但佢認為同學仍然關心同熟悉校政。

相關字詞﹕麥嘉晉 本科生 葉芷琳 校委會 港大

上 / 下一篇新聞