港聞

港聞二

【Emily】港澳辦讚留任明智 鄭松泰:不置評

【明報專訊】4名民主派畀人大決定DQ議員資格後,其餘15名民主派總辭,非建制派得醫學界陳沛然同熱血公民鄭松泰留任,二人獲港澳辦讚賞「沒有被綁架上『總辭』的戰車」,形容係明智之舉、值得肯定。鄭松泰噚日話對港澳辦說法「No comment(不予置評)」,又話留任嘅原因星期三已經講咗,會繼續喺議會站在香港人長遠福祉、利益同權利發聲,對「明日大嶼」計劃、內地投票都會反對。

立法會財委會噚日開會,鄭松泰絕大部分時間都留喺會議室開會,並且多次發言質問官員。喺財政司長辦公室開位建議項目,投下唯一嘅反對票。

毓民大鬧垃圾:去參加建制派好過 

同鄭松泰喺2016年組成「熱普城」參選嘅前立法會議員黃毓民,早前喺網台節目話「時窮節乃現」,批評留任毫無作為,又話鄭松泰係「垃圾」,下次選舉想贏「去參加建制派好過!」

上 / 下一篇新聞