港聞

港聞二

【Emily】500年機械人發展 科學館有得睇

【明報專訊】鍾意機械人嘅市民放假又多個好去處。香港科學館今日起到明年4月14日舉行「機械人的五百年」展覽,透過展出超過100組機械人藏品,呈現500年來,唔同時期嘅社會環境點樣塑造各具特色嘅機械人,並會喺科學、藝術角度講述佢哋同人類嘅關係。

觀衆可以同嚟自世界各地嘅機械人互動,為配合展覽主題,科學館同時喺電訊廊增設本地機械人展覽「智能新力軍」,5組機械人會即場示範燒焊、堆砌磚牆、營運無人商店同提供餐飲運送服務等,畀公眾更了解本地科研機構點樣將機械人技術應用喺建造業同商業用途上。另外,跨媒體藝術家、電影視覺效果導演黃宏達會喺今個月28日,到科學館舉行分享會,介紹首個人工智能藝術家「A.I. Gemini」點樣創作水墨畫。

上 / 下一篇新聞