港聞

港聞二

【Emily】邵家臻辭立會 書牆剛立又要拆

【明報專訊】人大作出決定後,政府DQ公民黨郭榮鏗等4名議員,民主派提出總辭。準備離開嘅泛民議員,有人除咗交辭職信,亦逐一退出參加嘅立法會事務委員會,社福界議員邵家臻就去信福利、保安、人力、民政、工務、人事編制、政制、房屋、同預防及控制疾病相關附屬法例等委員會,話自己退出。佢噚日同Emily講,之前不獲浸大續約,將啲書搬咗去立法會辦公室,剛剛砌好「書牆」,𠵱家又要再搬過。郭榮鏗噚日收到法律界成員送太陽花,心意卡滿滿都係感謝。

郭榮鏗收太陽花

噚日大會泛民全部缺席,喺呢個無民主派嘅議會,留下嘅建制派或兩個非建制派相信都要時間適應。大會噚日就交通泊車位條例二讀「記名投票」,民建聯何俊賢就影低電子投票座位紀錄,喺facebook形容係「立法會新形勢下第一次」,感覺係「有趣、欣喜、無奈、唏噓」。

上 / 下一篇新聞